बारीक चवळीची रस्सा भाजी : चविष्ट आणि पौष्टिक घरगुती रेसिपी

बारीक चवळीची रस्सा भाजी खास मराठी रेसिपी, जेथे बारीक चवळीच्या बियांची स्वादिष्ट आणि मसालेदार रस्सा भाजी तयार केली जाते. ताज्या मसाल्यांनासह ही भाजी खूप चवदार आणि पौष्टिक असते. भात किंवा भाकरीसोबत उत्तम!

बारीक चवळीची रस्सा भाजी हा एक स्वादिष्ट आणि पौष्टिक मराठी पदार्थ आहे, जो मुख्यतः चवळीच्या बारीक शेंगांपासून तयार केला जातो. या भाजीमध्ये चवळीच्या शेंगांचा उपयोग करून त्यात तिखट मसाले, कांदा, टोमॅटो, जिरे, हळद, आणि लाल तिखट मिरचं घालून रस्सा तयार केला जातो. भाजीला गोडसर चव देण्यासाठी गुळ आणि कोथिंबीर देखील घालता येतात. चवळीच्या बारीक शेंगा हे प्रथिने आणि फायबर्सने समृद्ध असतात, ज्यामुळे ही भाजी पौष्टिक आणि शरीरासाठी फायदेशीर असते. बारीक चवळीची रस्सा भाजी साधारणतः वरण, भात किंवा चपातीसोबत खाल्ली जाते आणि ती रोजच्या जेवणात किंवा सणाच्या दिवशी चविष्ट आणि पचनाला मदत करणारी असते.

४ व्यक्ती, ३० मिनिटे,

बारीक चवळीची रस्सा भाजी साहित्य

आर्धी वाटी बारीक चवळी, १ कांदा, १ टोमॅटो, ६-७ कढीपत्ता पाने, ९-१० लसूण पाकळ्या, आलं-लसूण पेस्ट, कोथिंबीर, १ चमचा मिरची पावडर, १ गरम मसाला, आर्धा चमचा जिरेपूड, आर्धा चमचा धणेपूड, आर्धा चमचा हळद, बारीक चमचा हिंग आणि मीठ इत्यादी.

वाटण

१ कांदा चिरून भाजून घ्या. आर्धी वाटी सुखे खोबरं खिसुन भाजून घ्या,  ५-६ लसूण पाकळ्या आणि
१ इंच आलं या बारीक वाटण करणे.

बारीक चवळीची रस्सा भाजी कृती 

प्रथम बारीक चवळी स्वच्छ धुऊन ३-४ तास भिजत ठेवावी , चवळी भिजली की तीच्यात थोडे मीठ घालून कुकर मध्ये शिजवून घ्यावी. गँस चालू करून त्यावर कढई ठेवावी, कढईत तेल लावून ते गरम झाले की तेलात मोव्हरी आणि जिरे घालावेत, हे कढले की त्यात कांदा आणि टोमॅटो टाकावा, कांदा लालसर झाला की त्यात आलं लसूण पेस्ट आणि थोडे हिंग घालावे, हे सर्व फ्राय झाले की त्यात लाल मिरची पावडर, गरम मसाला पावडर, हळद, जिरेपूड, धणेपूड घालून व्यवस्थित परतावे आणि मग त्यात वाटण टाकून परत परतून घ्यावे.. 

कढईवर प्लेट झाकून ठेवावी. वाटणाला तरी सुटली की त्यात शिजलेली बारीक चवळी घालावी आणि ज्या पाण्यात चवळी शिजवली ते पाणी गरजेनुसार टाकावे आणि चवीनुसार मीठ व चिरलेली कोथिंबीर घालावी. भाजीला उकळी आली की गँस बंद करावा, अशा प्रकारे आपली बारीक चवळीची रस्सा भाजी तयार करण्यात आली आहे, ही रेसिपी तुम्हाला आवडल्यास आपणास कमेंट्स द्वारे कळवावे आणि ही भाजी करतांना काही समस्या आल्यास त्या समस्याचे निराकरण केले जाईल.